Валюта курслари:

ЎзРВБда очилиш аукциони курси:

1 USD = UZS ()


18.08.2023

FBS инвестиция компанияси вакили билан учрашув

Ўзбекистон республика валюта биржаси (УзРВБ) ва FBS инвестиция компанияси вакиллари ўртасида видеоконференция шаклида учрашув бўлиб ўтди.

Фаолиятининг асосий йўналиши МДҲ молия бозорларида исломий молия маҳсулотларини илгари суриш бўлган FBS инвестиция ва консалтинг компанияси Жануби-Шарқий Осиё, Яқин Шарқ ва МДҲ мамлакатларининг фонд бозорларида фаолият юритиб келади.

Учрашув давомида ЎзРВБ ва FBS компанияси ўртасидаги икки томонлама ўзаро манфаатли ҳамкорлик масалалари, жумладан ЎзРВБда листингни шакллантириш, эмитентлар, андеррайтерлар ва инвесторлар учун муҳим лойиҳаларни ишлаб чиқиш масалалари муҳокама қилинди. Шунингдек, томонлар "Суқуқ" исломий облигацияларини ЎзРВБ бозорларида жорий этиш доирасида ҳамкорлик тўғрисида фикр алмашдилар.

FBS компанияси тегишли меъёрий-ҳуқуқий базани ишлаб чиқишда, хусусан исломий қимматли қоғозлар бўйича ЎзРВБ савдо иштирокчилари учун листинг қоидаларини ишлаб чиқишда ёрдам беришга тайёрлигини билдирди.

Томонлар фонд бозорида, хусусан замонавий биржа воситаларини жорий этиш масаласида ЎзРВБнинг фаоллашиши маҳаллий капитал бозорининг ривожланишига янги импульс беради деган фикр билдирдилар.

Учрашув якунида томонлар келгуси учрашувларда ўзаро манфаатли ҳамкорлик масалаларини муҳокама қилишни давом эттиришга келишиб олдилар.

Поделиться новостью

Контакты пресс-центра

Копировать весь текст