- Асосий
- Биржа тўғрисида
Биржа тўғрисида
Валюта курслари:
ЎзРВБда очилиш аукциони курси:
1 USD = UZS ()
Биржа тўғрисида
"Ўзбекистон республика валюта биржаси" АЖ Ўзбекистон Республикаси Президенти ҳузуридаги Вазирлар Маҳкамасининг 1991 йил 22 ноябрдаги 297-сонли “Ўзбекистон Республикасида чет эл валютасини эркин сотиб олиш ва сотишни ташкил этиш ҳамда эркин алмаштириладиган валюта билан савдо қилишни кенгайтириш чоралари ҳақида" ги қарори ва Вазирлар Маҳкамасининг 1992 йил 29 февралдаги 66-ф-сонли фармойишига мувофиқ, республиканинг иқтисодий манфаатларини ҳимоя қилишни таъминлаш, ички ва ташқи валюта бозори конъюнктураси ўзгаришига тезкор жавоб қайтариш мақсадида 1992 йил 12 майда ташкил этилган.
Биржа чет эл валютани, давлат қимматли қоғозларини, молиявий инструментларни (деривативларни) сотиб олиш ва сотиш ва улар билан боғлиқ бошқа биржа операциялари бўйича биржа савдолари, шунингдек банклараро пул бозори ҳамда Марказий банкнинг тижорат банклари билан кредит ва депозит аукционлари ташкилотчиси - республикадаги ягона кўп функцияли биржа майдончаси ҳисобланади.
Савдо иштирокчилари учун қўшимча савдо имкониятларини тақдим этиш мақсадида биржада валютавий своп ва давлат қимматли қоғозлари билан тўғридан-тўғри ва дилерлараро РЕПО битимлари каби инструментлар билан биржа савдоси механизмлари жорий этилган.
Турли бозорларнинг ягона савдо платформасида бирлаштирилиши биржанинг ноёб рақобатбардош устунлиги ҳисобланиб, биржа бозори иштирокчиларига ўз инвестицияларини самарали бошқариш имконини беради.
Бундан ташқари, биржанинг алоҳида таркибий бўлинмаси томонидан посттрейдинг хизматларни тақдим этиш уларни амалга ошириш тезлиги ва ишончлилигини таъминлайди.
Ҳозирги вақтда биржанинг посттрейдинг хизматлари клиринг ва ҳисоб-китобларни амалга оширишдан иборат.
Биржанинг клиринг тизими биржа савдо тизимида тузилган битимлар тўғрисидаги маълумотларни тўплаш, қайта ишлаш ва ҳисобга олиш, шунингдек савдо иштирокчилари ва молиявий инструментлар бўйича молиявий инструментлар билан позицияларни клиринг қилиш имконини беради.
Биржа савдолари ишончли хавфсизлик даражасига эга бўлган асосий фаолиятни амалга оширишга имкон берадиган ноёб савдо ва дастурий комплекслар асосида амалга оширилади. Биржа доимий равишда фойдаланиладиган тизимларни модернизация қилиш ва молиявий инструментлар савдосини ташкил этишнинг жаҳон стандартларига мувофиқ замонавий ахборот маҳсулотларини жорий этиш бўйича ишларни амалга ошириб келмоқда.
Биржа рақамларда
- 33
- йил бозорда
- 55дан ортиқ
- тажрибали ходимлар
- 1197,79 трлн.сўм
- 2024 йилдаги савдолар ҳажми
Бизнинг миссия
Биржа савдолари имкониятларини кенгайтириш ва унинг асосида қулай инвестиция муҳитини ривожлантириш учун ишончли, шаффоф ва инновацион биржа бозорини шакллантириш орқали мамлакат иқтисодиётининг барқарор ўсиши ва таркибий ўзгаришига ҳисса қўшиш.
Бизнинг мақсад
Биржа бозори ҳажми ва ликвидлигини оширишни та ъминлайдиган биржа савдосини янада ривожлантириш учун шарт-шароитлар яратиш, шунингдек, юқори технологияли инфратузилмани жорий этиш ва биржа маҳсулотларини диверсификациялаш йў ли билан пул-кредит ва валюта сиёсати мақсадларига эришишда регуляторга ко ъ маклашиш
Биржа фаолиятининг бошқа мақсадлари:
- биржа маҳсулотлари бозорини ташкил этиш ва тартибга солишни таъминлаш, талаб ва таклиф асосида биржа маҳсулотларининг нархларини шакллантириш;
- Биржа ва унинг акциядорлари манфаатлари учун молиявий-хўжалик фаолиятидан тижорат ташкилоти сифатида фойда олиш;
- барча савдо иштирокчилари учун биржа савдоларида қатнашиш учун тенг шароитлар яратиш, нархлаш эркинлиги ва биржа савдоларининг шаффофлигини таъминлаш;
- савдо иштирокчиларига самарали ва ишончли хизмат кўрсатишни таъминлаш учун Биржа инфратузилмасини ривожлантириш.
Корпоратив қадриятлар
Инсон энг қадрли
- Жамоада ишлаш, аҳиллик, ўзаро ёрдам аҳамияти
- Ўзаро ҳурмат
- Ходимлар ва уларнинг ривожланишига ғамхўрлик қилиш
- Ишонч
Иш сифати ва инновациялар
- Иш сифати ва инновациялар
- Интизом (жумладан, меҳнат интизоми ва ахлоқий меъёрларга риоя этиш).
- Таҳлил асосида қарор қабул қилиш
- Инновациялар
Мижозларга эътибор
- Технологияларимиз мижоз манфаатларига хизмат қилади
- Инвестицион шароитлар яратиш
- Мижозлар ишончи
- Мижозларни билиш ва тушуниш