Валюта курслари:
ЎзРВБда очилиш аукциони курси:
1 USD = UZS ()
- Асосий
- Бозорлар ва савдолар
- Пул бозори
Пул бозори
ЎзРВБ пул бозорида бир кундан бир йилгача бўлган муддатга маблағларни жойлаштириш/жалб қилиш бўйича банклараро депозит операциялари, тижорат банкларининг пул маблағларини жалб қилиш бўйича Марказий банкнинг депозит аукционлари ташкил этилади, шунингдек РЕПО битимлари тузилиб, валютавий своп операциялари ўтказилади.
Биржада ўтказиладиган савдолар орқали битимлар тузилиши бозор иштирокчилари учун тезкор равишда маблағларни жалб қилиш ва қисқа муддатли активларга жойлаштириш учун қўшимча имконият яратади. Пул бозори инструментлари юқори даражада жозибадорлигини операциялар ҳажмининг ижобий динамикаси ҳам тасдиқлайди.
Тижорат банклари ўртасида маблағларни жалб қилиш ва жойлаштириш бўйича операциялар "Банклараро пул бозорида электрон савдо платформаси орқали операцияларни амалга ошириш тартиби тўғрисида”ги низом ва “Банклараро пул бозорида электрон савдо платформаси оркали операцияларни ўтказиш коидалари" га мувофиқ 2018 йилда яратилган ЎзРВБнинг ягона электрон савдо платформаси орқали амалга оширилади.
Марказий банкнинг депозит аукционлари "Ўзбекистон Республикаси Марказий банкининг тижорат банклари билан депозит операцияларини амалга ошириш тартиби тўғрисида”ги низом ва "Ўзбекистон республика валюта биржаси электрон савдо платформаси орқали Ўзбекистон Республикаси Марказий банкининг тижорат банклари билан депозит операцияларини ўтказиш қоидалари" га мувофиқ амалга оширилади.
РЕПО ҳамда валютавий своп битимлари тегишли равишда “ЎзРВБда валютавий своп операцияларини ўтказиш қоидалари” ва “ЎзРВБда давлат қимматли қоғозлари билан РЕПО битимларини тузиш ва ижро этиш қоидалари”га асосан тузилади.