Валюта курслари:

ЎзРВБда очилиш аукциони курси:

1 USD = UZS ()


18.08.2023

Молиявий кучлар бирлашиши: ЎзРВБ раҳбари ва Рефинитив вакили учрашуви бўлиб ўтди

“Ўзбекистон республика валюта биржаси” АЖ (ЎзРВБ) Бош директори Рашид Усманов Refinitiv компанияси вакили Айгюн Музаффарли билан Ўзбекистон молия бозорларини ривожлантириш соҳасидаги стратегик ҳамкорлик доирасида учрашув ўтказди.

“Лондон фонд биржаси” гуруҳи таркибидаги Refinitiv компанияси  молиявий бозорлар ва инфратузилма маълумотларини етказиб берувчи дунёдаги энг йирик ташкилотлардан бири ҳисобланади. Компания даромади 6,25 миллиард долларни ташкил этиб, 190 мамлакатда 40 000 дан ортиқ мижоз ва 400 000 фойдаланувчига эга. Компания мижозларга инвестиция, савдо ва рисклар бўйича қарор қабул қилиш  имконини берувчи маълумотлар, инсайтлар ва технологияларни тақдим этади.

ЎзРВБда бўлиб ўтган учрашув Ўзбекистон молия бозорларини ривожлантириш соҳасида ЎзРВБ ва Refinitiv компанияси ўртасидаги ҳамкорликни янада мустаҳкамлаш ва кенгайтириш, шу жумладан биржа маълумотларини тақдим қилиш механизмларини янада такомиллаштириш масалалари муҳокама қилинди. 

Таъкидлаш жоизки, 2020 йилдан буён Ўзбекистон Республикаси биржа фаолияти тарихида илк бор Refinitiv компаниясининг Eikon ахборот-таҳлилий платформасида ЎзРВБ бозорлари ва фаолияти тўғрисида автоматик янгиланадиган маълумотлар доимий равишда жойлаштириб келинмоқда. 

Бугунги кунда, ЎзРВБ қулай инвестиция муҳитини яратиш жараёнида миллий ва хорижий инвесторларни жалб қилиш учун капитал бозори инфратузилмасининг муҳим бўғини ҳисобланиб, кенг кўламли биржа инструментлари хизматларини таклиф этади. 

Учрашув давомида Айгюн Музаффарли Refinitiv компаниясининг технологик ечимларидан фойдаланиш орқали ЎзРВБда инфратузилмани рақамлаштириш ва биржа хизматларини ривожлантириш имкониятлари тўгрисида тўхталиб ўтди.

Шунингдек, томонлар ҳамкорликнинг муҳим жиҳатлари, жумладан, маълумотларни тарқатиш ва таҳлил қилиш, технологик ечимларни ишлаб чиқиш, ахборот маҳсулотларини кенгайтириш соҳасида тажриба алмашиш, шунингдек, ЎзРВБ биржа бозорларини ривожлантириш бўйича ҳамкорликнинг кейинги босқичларини муҳокама қилди.

Поделиться новостью

Контакты пресс-центра

Копировать весь текст