Валюта курслари:

ЎзРВБда очилиш аукциони курси:

1 USD = UZS ()


18.08.2023

ЎзРВБда Осиё тараққиёт банки вакиллари билан учрашув бўлиб ўтди

2022 йил 17 ноябр куни “Ўзбекистон республика валюта биржаси” АЖ (ЎзРВБ)да  Осиё тараққиёт банки (ОТБ) вакиллари билан учрашув ўтказилди.

Учрашувда ОТБ томонидан Барқарор ривожланиш ва иқлим ўзгариши департаменти  молия сектори мутахассиси - Юнхи Ким хоним, Иқтисодий таҳлил ва ҳудудий ҳамкорлик  департаменти маслаҳатчиси - жаноб Сатору Ямадера ҳамда маслаҳатчи Пил-Кью Ким жаноблари қатнашдилар.

Учрашув давомида ОТБ вакиллари Осиёдаги етакчи мамлакатларнинг давлат қимматли қоғозлари (ДҚҚ) бозоридаги моделлари, ҳисоб-китоблар амалга оширилиши ва хорижий инвесторлар қатнашиши механизми тўғрисидаги тажриба билан ўртоқлашдидар.

Ўз навбатида, ЎзРВБ Бош директори Рашид Усманов бугунги кундаги ЎзРВБ фаолияти, in-house дастурий таъминотлари, уларнинг фаолияти, шунингдек, хорижий инвесторлар учун ДҚҚ бозорида яратилган шароитлар ҳамда келгусида режалаштирилган ишлар тўғрисида маълумот бериб ўтди.

Шу билан бирга, ОТБ вакиллари ЎзРВБ томонидан ишлаб чиқилган ДҚҚ бозорида масофавий тарзда савдоларни амалга ошириш имконини берувчи мобил илова билан танишиб, унга юқори баҳо бердилар ҳамда мазкур дастурий маҳсулотни келгусида янада такомиллаштириш бўйича фикрлари билан ўртоқлашдилар.

Шунингдек, томонлар Ўзбекистон капитал бозори инфратузилмаси вакиллари ўртасида ўзаро алоқалар ўрнатилишининг энг мақбул шакллари, бунинг учун яратилаётган шароитлар ва амалга оширилиши лозим бўлган ишларни муҳокама қилдилар.

Учрашув якунида, ОТБ вакиллари ЎзРВБ томонидан бугунги кунда амалга оширилаётган чора-тадбирлар, жумладан ДҚҚ бозорида норезидентлар учун қулай шароитлар яратиш борасидаги харакатларини қўллаб-қувватлаб, бу йуналишда техник ёрдам доирасида ҳамкорликда ишлашга тайёр эканликларини билдирдилар.

Поделиться новостью

Контакты пресс-центра

Копировать весь текст