Валюта курслари:

ЎзРВБда очилиш аукциони курси:

1 USD = UZS ()


18.08.2023

Тошкент шаҳрида МДҲ давлатлари биржалар халқаро ассоциациясининг йиллик умумий йиғилиши бўлиб ўтди

2021-йил 25-27-ноябр кунлари II халқаро молия-банк форуми доирасида илк маротаба Тошкентда Мустақил давлатлар ҳамдўстлиги (МДҲ)га аъзо давлатлар халқаро биржалар ассоциацияси (ХБА) йиллик умумий йиғилиши бўлиб ўтди, унинг ташкилотчилари этиб ХБА ижроия дирекцияси, Ўзбекистон республика валюта биржаси (ЎзРВБ), Ўзбекистон республика товар-хомашё биржаси ва “Тошкент” Республика фонд биржаси белгиланди.

Маълумот учун: МДҲга аъзо давлатлар биржалари халқаро ассоциацияси (ХБА) халқаро стандартларга мувофиқ ташкил этилган молиявий бозорларни ривожлантириш бўйича саъй-ҳаракатларни мувофиқлаштириш мақсадида 2000 йил апрел ойида Москвада ташкил этилган. ЎзРВБ 2019 йилдан бошлаб ХБА аъзоси ҳисобланади.

ХБАнинг йиллик умумий йиғилишида МДҲ давлатларининг 18та етакчи биржаси вакиллари иштирок этиб, ўзаро ҳамкорликни янада ривожлантиришнинг долзарб масалалари, МДҲ давлатлари биржаларини ривожлантиришнинг бугунги кун тенденциялари, шунингдек, биржа савдоси ва молиявий бозорлар соҳасидаги истиқболли лойиҳаларни муҳокама қилдилар.

Мазкур тадбир давомида ЎзРВБ ва Беларус валюта-фонд биржаси ўртасида ўзаро манфаатли ҳамкорлик тўғрисидаги Меморандум имзоланди. Расмий имзолаш маросимида ЎзРВБ Бош директори Рашид Усмонов ва БВФБ бошқаруви раиси Андрей Аухименя иштирок этди.

Меморандумда ҳамкорликнинг истиқболли йўналишлари, жумладан, икки мамлакатнинг ташкил этилган молиявий бозорларини ривожлантириш  учун биржа савдоси воситалари ва технологияларини қўллаш бўйича тажриба алмашиш, биржа маҳсулотлари ва хизматларини оммалаштиришга кўмаклашиш, шунингдек, биржа савдолари иштирокчилари доирасини кенгайтириш каби масалалар белгиланган.

Меморандумга мувофиқ, ўзаро манфаатли мақсадларга жавоб берадиган лойиҳаларни ишлаб чиқиш ва амалга ошириш, биржа маълумотларини тақдим этиш ва тарқатиш соҳасида билим ва тажриба алмашиш, биржалар ходимларининг малакасини ошириш мақсадида ўқув тадбирларини ташкил этиш бўйича ишчи гуруҳларнинг икки томонлама ёки кўп томонлама учрашувлари ўтказилиши режалаштирилган.

Йиғилиш якунида, бу каби учрашувлар биржалар ўртасидаги ўзаро манфаатли ҳамкорликни янада ривожлантириш, биржа бозорларини ривожлантиришни рағбатлантириш, шунингдек, биржалар фаолиятини мувофиқлаштиришни кучайтиришга кўмаклашади, деб фикр билдирилди.

Поделиться новостью

Контакты пресс-центра

Копировать весь текст