Валюта курслари:

ЎзРВБда очилиш аукциони курси:

1 USD = UZS ()


18.08.2023

ЎзРВБ халқаро вебинарда иштирок этди

2021 йил 22 апрел куни "Ўзбекистон республика валюта биржаси" акциядорлик жамияти (ЎзРВБ) Лондон фонд биржаси (ЛФБ) Халқаро молия корпорацияси (ХМК) билан ҳамкорликда "Ўзбекистон халқаро капитал бозорларида" мавзусида ташкил этилган халқаро вебинарда онлайн тарзда иштирок этди.

Вебинарда ЛФБ ижрочи директори Жулия Хоггетт, ХМК вице-президенти ва Ғазначилик раҳбари Жон Гандолфо, ЛФБ ҳамда ХМК раҳбарияти расмийлари, Ўзбекистон Республикаси Молия вазирининг ўринбосари Одил Исоқов, шунингдек тижорат банклари вакиллари иштирок этдилар.

Мазкур тадбирда ЎЗРВБ бош директори Рашид Усмонов тақдимот билан иштирок этди.  ЎзРВБ раҳбари ўз маърузасини биржанинг шаклланиши ва ривожланиши тўғрисида қисқа маълумот билан бошлаб, биржа бозори сегментлари ривожланишининг бугунги кундаги тенденцияларини тавсифлади ҳамда ЎзРВБ ривожланишининг ўрта муддатли стратегияси доирасида истиқболли режалар билан вебинар иштирокчиларини таништириб ўтди.

Вебинар давомида иштирокчилар Ўзбекистон Республикаси капитал бозори бўйича стратегиясининг асосий йўналишлари тўғрисида ўзаро фикр алмашдилар.

Вебинар якунида тингловчилар ва тадбир иштирокчиларини қизиқтирган саволларга маърузачилар батафсил жавоб бердилар.

Поделиться новостью

Контакты пресс-центра

Копировать весь текст