Валюта курслари:

ЎзРВБда очилиш аукциони курси:

1 USD = UZS ()


18.08.2023

“Freedom Finance” инвестиция компанияси вакиллари билан учрашув бўлиб ўтди

2021 йил 19 май куни Ўзбекистон республика валюта биржасида (УзРВБ) “Freedom Finance” АЖ бошқарув раиси Лукьянов Сергей Николаевич бошчилигида “Freedom Finance” инвестиция компанияси делегацияси билан учрашув бўлиб ўтди.

Учрашувда “Freedom Finance” компанияси делегацияси таркибида “Bank Freedom Finance Kazakhstan” АЖ бошқарувчи директори - Агдавлетов Тимур Серикович, “Freedom Finance Life” хаёт суғурта компанияси” АЖ бошқарувчи директори, “Freedom Finance” АЖ Ғазначилик департаменти директори ўринбосари - Попов Роман Леонидович, “Freedom Finance” МЧЖ ХК бош директори - Бабаев Бахтиёр Бабанович, “Freedom Finance” МЧЖ ХК ижрочи директори - Можейко Евгений Васильевич ҳам иштирок этдилар.

Томонлар бугунги кундаги фаолият ва ўрта муддатли стратегик режаларнинг қисқача муҳокамасидан сўнг, ўзаро манфаатли ҳамкорликни ривожлантириш масалаларини кўриб чиқдилар.

Учрашув давомида қимматли қоғозлар бозорини янада ривожлантириш, янги биржа инструментларини жорий этиш орқали ЎзРВБ биржа маҳсулотлари қаторини кенгайтириш бўйича фикр алмашилиб, “Freedom Finance” компанияси ЎзРВБнинг барча бозорларида иштирок этиш имкониятлари муҳокама қилинди.

ЎзРВБ раҳбарияти томонидан, савдо ҳажмларини ошириш ва биржа маҳсулотлари қаторини кенгайтириш мақсадида, икки томонлама ҳамкорликни мустаҳкамлашга ва компаниянинг ЎзРВБ бозорларида фаолиятини ривожлантириш учун кўмаклашишга тайёр эканлиги маълум қилинди.

Учрашув иштирокичлари “Freedom Finance” компаниясининг ЎзРВБ бозорларида фаоллашиши маҳаллий биржа бозорининг ривожланишига қўшимча динамика беришини таъкидладилар.

Томонлар Ўзбекистон Республикасининг капитал бозорини ривожлантириш стратегиясини амалга ошириш доирасида ўзаро манфаатли ҳамкорликни изчил ривожлантиришни давом эттиришга келишиб олдилар.

Поделиться новостью

Контакты пресс-центра

Копировать весь текст