Валюта курслари:
ЎзРВБда очилиш аукциони курси:
1 USD = UZS ()
18.08.2023
Евроосиё тараққиёт банки вакиллари билан учрашув бўлиб ўтди
Ўзбекистон республика валюта биржаси (ЎзРВБ) вакиллари Евроосиё тараққиёт банки (ЕОТБ) вакиллари билан онлайн учрашув ўтказдилар.
ЕОТБ аъзо давлатларнинг иқтисодий ўсишига, улар ўртасидаги савдо-иқтисодий алоқаларнинг кенгайишига ва интеграция жараёнларининг ривожланишига ҳисса қўшиш мақсадида фаолият юритиб келаётган халқаро молиявий ташкилот ҳисобланади.
Бўлиб ўтган учрашув давомида томонлар ўзаро манфаатли ҳамкорлик масалаларини муҳокама қилдилар. Жумладан, ЕОТБ томонидан миллий валютадаги ҳисоб-китоб ва клиринг хизматлари доирасидаги ҳамкорлик ҳамда Қозоғистон Республикаси ва Россия Федерацияси қарз бозорларида облигациялар чиқарилишини ташкил этиш масаласида маҳаллий эмитентларга ҳар томонлама кўмак бериш тўғрисида фикр алмашилди.
Шу билан бирга, ЕОТБ вакиллари маркет-мейкерлик хизматларини кўрсатишда, РЕПО инструментлари ҳамда ликвидлик билан таъминлаш каби пул бозори инструментларини ривожлантириш, шунингдек, Евроосиё иқтисодий иттифоқи маҳаллий биржалари билан дастурий таъминотни модернизациялаш каби масалаларида тажриба алмашишда ёрдам беришга тайёр эканликларини билдирдилар.
Бундан ташқари, ЕОТБ томонидан аъзо мамлакатлар билан молиявий бозорларни интеграциялаш, облигациялар чиқарилишини ташкил этиш, консалтинг ва инвестиция хизматларини кўрсатишда ёрдам бериш масалалари муҳокама қилинди.
Учрашув натижалари бўйича, томонлар келгуси учрашувларда ўзаро ҳамкорлик масалалари муҳокамасини давом эттиришга келишиб олдилар.





