Валюта курслари:
ЎзРВБда очилиш аукциони курси:
1 USD = UZS ()
18.08.2023
“Қозоғистон фонд биржаси” (KASE) АЖ делегацияси билан учрашув бўлиб ўтди
2019 йил 10 сентябр куни "Ўзбекистон республика валюта биржаси" АЖда (ЎзРВБ) "Қозоғистон фонд биржаси" АЖ делегацияси билан учрашув бўлиб ўтди.
Учрашув давомида KASE бошқарув раиси Алдамберген Алина Өтемісқызы ва Қозоғистон делегацияси аъзолари биржа фаолияти, хусусан, қимматли қоғозлар, хорижий валюталар ва деривативлар бозорларига хизмат кўрсатиш, РЕПО ва валюта своп операцияларини ўтказиш механизмлари тўғрисида маълумот беришди. KASE валюта бозори Қозоғистон иқтисодиётининг муҳим элементларидан бири бўлиб, ушбу бозорда АҚШ долларининг тенгега нисбатан ўртача тортилган курси шаклланиб, кейинги савдо куни Қозоғистон Республикаси Миллий банкининг расмий курси сифатида эълон қилиниши таъкидлаб ўтилди.
Меҳмонлар ЎзРВБнинг давлат қимматли қоғозлари, валюта ва пул бозорларида савдолар ўтказиш бўйича фаолияти, клиринг ва ҳисоб-китоб-депозитар хизматлар мажмуаси, шунингдек биржа томонидан мижозларга таклиф этилаётган ахборот маҳсулотлари ва технологик хизматлар билан танишдилар.
Музокаралар давомида валюта ва пул биржа бозорларида тажриба алмашиш, дастурий комплексларни технологик ривожлантириш, шунингдек, жаҳон биржа бозорини ривожлантиришнинг жорий ва истиқболдаги тенденциялари тўғрисида ахборот алмашиш борасида яқин ҳамкорлик қилиш тўғрисида келишувга эришилди.
Учрашув якунида, KASE бошқарув раиси Алина Алдамберген ЎзРВБ раҳбариятига илиқ қабул учун миннатдорчилик ва келгусида яқин ҳамкорликни амалга оширишга умид билдирди.





