Валюта курслари:
ЎзРВБда очилиш аукциони курси:
1 USD = UZS ()
01.08.2023
ЎзРВБга LEI коди берилди
Халқаро LEI коди (Legal Entity Identifier - юридик шахсни идентификациялаш халқаро коди) - бу ISO 17442 халқаро стандартига мувофиқ юридик шахсга бериладиган ва молиявий операцияларда иштирок этадиган юридик шахсларни аниқ идентификациялаш имкониятини берувчи маълумотлар асосида яратилган ноёб код (идентификатор) ҳисобланади.
Маълумот учун. LEI коди - 2014 йилда Молиявий барқарорлик кенгаши (Financial Stability Board) томонидан ташкил этилган ва асосий фаолияти юридик шахсларни идентификациялаш бўйича тизимни яратиш ва халқаро миқёсда кодларни тайинлашдан иборат бўлган Global Legal Entity Identifier Foundation (GLEIF) томонидан рўйхатдан ўтказилади ва ҳисобга олинади. GLEIF талабларига мувофиқ, LEI коди юридик шахсларни идентификациялаш глобал тизимидаги маълумотларнинг тўғрилигини тасдиқлаш учун ҳар йили янгиланиши лозим.

Бугунги кунда мазкур код халқаро молия бозорлари иштирокчилари бўлган ташкилотлар томонидан тузилган молиявий битимлар, шу жумладан “Мижозингни бил” (KYC) процедураси бўйича ўз контрагентларини аниқлаш ва улар билан тузилган битимлар бўйича ҳисоботлар алмашиш учун кенг қўлланилади.
Таъкидлаш жоизки, ЎзРВБни ривожлантириш стратегиясига мувофиқ давлат қимматли қоғозлари бозорини (ДҚҚ), шу жумладан бозорга йирик хорижий инвесторларни жалб қилиш орқали янада ривожлантириш кўзда тутилган. Ушбу мақсадда пул маблағлари ва ДҚҚ бўйича ҳисоб-китобларни амалга оширишда, шунингдек тегишли ҳисоботларни тақдим этган ҳолда хабар алмашишда ДҚҚ бозорининг хорижий иштирокчилари билан ўзаро муносабатларни ўрнатиш зарурати вужудга келмоқда.
Шунингдек, ЎзРВБ томонидан халқаро LEI кодини олиш Халқаро банклараро ахборот узатиш ва тўловларни амалга ошириш тизимида (SWIFT) рўйхатдан ўтиш ҳамда SWIFT кодини олиш жараёнининг оралиқ босқичи ҳисобланади.





