Валюта курслари:

ЎзРВБда очилиш аукциони курси:

1 USD = UZS ()


21.05.2023

ЎзРВБда марказий контрагент фаолияти жорий этилганлиги юзасидан вебинар ўтказилди

«Ўзбекистон республика валюта биржаси» АЖ (ЎзРВБ) томонидан Ўзбекистон Республикаси Марказий банки билан ҳамкорликда маҳаллий банклар учун вебинар ташкил этилди.

Кун тартибида – марказий контрагент фаолияти юритилиши ва, бу борада, ЎзРВБ савдо иштирокчилари билан ўзаро ҳамкорликни йўлга қўйиш.

Онлайн тарзда ўтказилган тадбирда ЎзРВБ Бош директори ва мутахассислари, Марказий банк масъуллари ҳамда 32 та тижорат банки вакиллари иштирок этди.

Вебинарда ЎзРВБ Бош директори Рашид Усманов ҳамда Ҳисоб-клиринг бўлими мутасадди ходимлари томонидан иштирокчиларга дефолт-менеджент, валюта бозорида ҳисоб-китобларни ўтказиш ва клирингни амалга ошириш тартиби, савдо иштирокчилари мажбуриятларининг ўз вақтида тўлиқ бажарилишини таъминлаш мақсадида жорий этилган марказий контрагент фаолияти афзалликлари ҳақида маълумот берилди.

Бундан аввал, жорий йилнинг 3 октябрдан бошлаб ЎзРВБ томонидан ликвидлик провайдери фаолияти йўлга қўйилганлиги ҳақида хабар берилган эди.

Ушбу қисқа давр мобайнида ЎзРВБ мутахассислари томонидан биржа валюта бозори иштирокчилари – тижорат банклари учун марказий контрагент ва провайдер-банклар фаолияти бўйича ўқув машғулотлари ўтказилган бўлиб, ЎзРВБ ва банклар ўртасида имзоланган шартномаларни ратификация қилиш жараёнлари амалга оширилди.

Поделиться новостью

Контакты пресс-центра

Копировать весь текст