Валюта курслари:
ЎзРВБда очилиш аукциони курси:
1 USD = UZS ()
29.09.2023
ЎзРВБ янги ходимлари учун welcome-тренинг: жамоага мослашиш ва интеграция
Ўзбекистон республика валюта биржаси ўз сафларига иқтидорли ва малакали ходимларни жалб этиш бўйича фаол иш олиб бормоқда. Янги ходимлар жамоага ва иш жойига тезкор мослашишларига кўмаклашиш мақсадида ташкилотда welcome-тренинглар ўтказиш амалиёти жорий этилган.
Шу сабабли, ходимларни мослаштириш чора-тадбирлари доирасида ЎзРВБнинг янги ходимлари учун таништирув учрашуви бўлиб ўтди.
Тадбирда ЎзРВБ Бош директори Маслаҳатчиси Камиль Янгаев ёш мутахассисларга компаниянинг ташкил этилиш тарихи, кучли жамоанинг саъй-ҳаракатлари билан биржанинг бугунги ривожланиш йўлини белгилаб берувчи муҳим мақсадларга қандай эришилгани ҳақида сўзлаб берди.
Тренингнинг аудиторияси нафақат ташкилотнинг янги келган ходимларини, балки кўп йиллар давомида биржа соҳасида ишлайдиган ўз касбининг юқори малакали мутахассисларни ҳам қамраб олди.
Ходимлар учун welcome-тренинг доирасида компания ва унинг қадриятлари билан яхшироқ танишишга ёрдам берадиган интерактив ўйинлар ўтказилди. Шундай қилиб, «Жамоа билан танишиш» ўйини давомида иштирокчилар бир-бири билан танишди ва янги жамоада ишлашни амалиётда синаб кўришди.
— Welcome-тренинг дастури ЎзРВБ ходимлари учун махсус ишлаб чиқилган, — деди Татьяна Ибрагимова, жалб қилинган маслаҳатчи ва бизнес-мураббий. — Бу дастур янги ходимларни компанияда муваффақиятли иш бошлаши учун барча керакли билим, воситалар ва ресурслар билан таъминлашга қаратилган.
Бундай тадбирларни ўтказиш янги ходимларга янги жойга тезроқ мослашишга ёрдам беради, стресс даражасини пасайтиради ва ташкилотга бўлган садоқатни оширади. Бундан ташқари, бу ташкилотга корпоратив маданиятни сақлаб қолиш ва мустаҳкамлаш, анъаналарнинг доимийлигини таъминлаш ва тажрибани катта авлоддан кичик авлодга ўтказиш имконини беради.





