Валюта курслари:

ЎзРВБда очилиш аукциони курси:

1 USD = UZS ()


24.08.2023

ЎзРВБ ва Refinitiv ўзаро манфаатли ҳамкорлик истиқболларини муҳокама қилдилар

Ўзбекистон республика валюта биржасида (ЎзРВБ) Туркия, Греция ва МДҲ мамлакатлари мижозлари билан ишлаш йўналиши директори Алев Алп Эсен хоним бошчилигидаги Лондон фонд биржаси гуруҳига кирувчи “Refinitiv” компанияси делегацияси билан учрашув бўлиб ўтди.

Учрашув доирасида ЎзРВБ ва " Refinitiv " компанияси ўртасида имзоланган ўзаро англашув меморандуми доирасидаги ҳамкорликнинг жорий ҳолати, яқин ва ўрта муддатли истиқболга мўлжалланган режалар, хусусан, " Refinitiv " платформаси орқали ЎзРВБ биржа маълумотлари (маркет-дата)ни  узатиш, барқарор ривожланиш сиёсати соҳасидаги лойиҳаларни амалга ошириш бўйича тажриба алмашиш масалалари муҳокама қилинди.

ЎзРВБ Бош директори Рашид Усмонов компания вакилларини ЎзРВБ фаолияти, биржада жорий этилаётган янги технологик ечимлар ва истиқболли ривожланиш режалари тўғрисида таништирди.

Шунингдек, у инвестицияларни жалб қилиш ва қулай инвестиция муҳитини яратиш учун инфратузилмани янада такомиллаштириш ва биржа инструментлар қамровини кенгайтириш муҳимлигини таъкидлади.

Томонлар ҳамкорликнинг кейинги босқичлари тўғрисида келишиб олдилар ва мунтазам икки томонлама амалий муҳокамалар асосида янада яқинроқ алоқа каналларини ўрнатиш, биржа бозори иштирокчилари учун, шу жумладан, хатарлар, комплаенс ва ESG масалалари бўйича қўшма тадбирларни ташкил этиш зарурлигини таъкидладилар.

“Refinitiv" вакиллари, шунингдек, Лондон фонд биржасида янги технологик ечимлар жорий этилаётгани, ЎзРВБнинг ахборот-таҳлилий соҳасида тажриба алмашиш имкониятлари ҳақида маълумот берди.

Маълумот учун. 2020 йил август ойидан бошлаб Eikon ахборот-таҳлилий платформасида яратилган ЎзРВБ саҳифасида доимий равишда ЎзРВБ бозорлари ва фаолияти тўғрисидаги автоматик янгиланадиган маълумотлар жойлаштириб келинади.

Учрашув якунида томонлар “Refinitiv” терминалида ЎзРВБ саҳифасини янада такомиллаштириш, уни халқаро молия бозори иштирокчилари ўртасида кенгроқ танитиш, ЎзРВБ томонидан тақдим этилаётган маълумотлар ҳажмини кенгайтириш бўйича қўшма тадбирларни амалга оширишга келишиб олдилар.

Поделиться новостью

Контакты пресс-центра

Копировать весь текст