Валюта курслари:
ЎзРВБда очилиш аукциони курси:
1 USD = UZS ()
03.08.2023
ЎзРВБ ТМИ меҳнат ярмаркасида иштирок этди
“Ўзбекистон республика валюта биржаси” АЖ вакиллари Тошкент Молия институтида ташкил этилган “Карьера куни” меҳнат ярмаркасида иштирок этди.
Ушбу тадбир кўплаб таълим муассасаларида талабалар ва ёш мутахассисларга касб танлашда, ишга жойлашишда ёки амалиёт ўташда кўмаклашиш, шунингдек, турли соҳалар вакилларидан керакли маслаҳатлар олиш мақсадида ўтказилади.
ЎзРВБ ўз фаолиятини молия соҳасида амалга оширмоқчи бўлган ёшлар учун улкан салоҳиятга эга Ўзбекистон молия бозорининг муҳим иштирокчисидир. Мазкур тадбирда иштирок этиш компанияга ёш, иқтидорли номзодларни ишга жалб қилиш ва ўзини жозибали иш берувчи сифатида кўрсатиш имконини беради.
ЎзРВБ стенди кўплаб ёшларда қизиқиш уйғотди. Тадбир давомида ЎзРВБ вакиллари талаба ва битирувчиларга ташкилот фаолияти, мавжуд йўналишлар, шунингдек, биржа соҳасида ишлаш учун зарур бўлган кўникма ва билимлар ҳақида сўзлаб берди.
Бундан ташқари, ЎзРВБ мутахассислари савдолар ўтказилиши, инструментлар турлари, нималар асосида биржа бозори таҳлили амалга оширилиши ва қарорлар қабул қилиниши, шунингдек ташкилот қандай хизмат турлари кўрсатиши ҳақида батафсил маълумот бердилар.
Бу талабалар ва ёш мутахассисларга ўз қизиқишлари ва танловларини аниқлашга, шунингдек ўзлари учун энг мос касбни танлашга ёрдам беради.
Тадбир давомида 30 нафарга яқин талаба ва битирувчилар ўз фаолиятини ЎзРВБ билан боғлаш истагини билдирди ва резюмеларини тақдим этди.
ЎзРВБнинг “Карьера куни” ярмаркасида иштирок этиши ёш, иқтидорли кадрларни жалб қилиш ва ташкилотнинг кадрлар захирасини шакллантиришда муҳим қадам ҳисобланади.





