Валюта курслари:
ЎзРВБда очилиш аукциони курси:
1 USD = UZS ()
04.07.2023
ЎзРВБ платформасида давлат облигациялари илк бор Т+2 ҳисоб-китоб режимида жойлаштирилди
Ушбу режим доирасида аукционда сотиб олинган давлат қимматли қоғозлари (ДҚҚ) бўйича якуний ҳисоб-китоблар битимлар тузилган кундан кейинги иккинчи савдо кунида амалга оширилиши белгиланган (битимлар тузиш учун маблағларни олдиндан депонентлаш талаб қилинмайди), бу эса савдо иштирокчилари учун ўз пул маблағларини самарали ва оқилона бошқариш имконини беради.

Халқаро стандартлар талабларига мувофиқ жорий этилган ҳисоб-китобларнинг ушбу тури ДҚҚ бозорини фаоллаштириш ва жозибадорлигини ошириш, рискларни бошқариш тизимини такомиллаштириш, ДҚҚ бозорига кўпроқ иштирокчилар ва инвесторларни, шу жумладан хорижий инвесторларни жалб этиш, шунингдек ДҚҚ иккиламчи бозорида ликвидликни оширишга ёрдам беради.
Аввалроқ, ЎзРВБда инфляцияга боғланган давлат қимматли қоғозлари муваффақиятли жойлаштирилганлиги ва ДҚҚ иккиламчи бозорида илк маркет-мейкерлар фаолият бошлаганлиги тўғрисида хабар берилган эди.





