Валюта курслари:

ЎзРВБда очилиш аукциони курси:

1 USD = UZS ()


22.11.2023

ЎзРВБ халқаро биржа форумида: жаҳон биржа саноатида имкониятларни кенгайтириш

Ўзбекистон республика валюта биржаси (ЎзРВБ) делегацияси бош директор ўринбосари A. Нагаев бошчилигида Олмаота шаҳрида (Қозоғистон) бўлиб ўтган “Молиявий бозорларни ўзгартиришда биржаларнинг роли” халқаро биржа форумида иштирок этди.

Турли давлатлардан ташриф буюрган биржа жамиятининг етакчи экспертлари ва вакилларини тўплаган форум Қозоғистон молиячиларининг XI Конгресси доирасида Қозоғистон фонд биржаси (КASE) томонидан ташкил этилган бўлиб, КASEнинг 30 йиллигига бағишланган тадбирлардан иборат бўлди.

Форумда турли давлатлардан ташриф буюрган молия соҳасининг экспертлари биржа бозорларини ривожлантириш, рақамли инфратузилма ва воситалар, давлат қимматли қоғозлари савдоларини ташкил этиш, IPO ривожланиши тенденциялари, молиявий хизматларни рақамлаштириш ва капитал бозорларида чакана инвесторларнинг фаоллигини ошириш, ESG принциплари ва маҳсулотларини молиявий бозорда ривожлантириш мавзулари муҳокама қилинди.

Тадбир доирасида A. Нагаев “Минтақада биржа бозорларини ривожлантириш” панел муҳокамасида маърузачи сифатида иштирок этди. Муҳокама давомида ЎзРВБ вакили иштирокчиларга биржанинг жадал ривожланаётган фаолияти, ривожланиш истиқболлари ва иштирокчилар ҳамда инвесторларга тақдим этилаётган имкониятлар ҳақида сўзлаб берди.

ЎзРВБ раҳбарининг ўринбосари ташкилотда капитал бозорини ривожлантириш бўйича амалга оширилаётган чора-тадбирлар хорижий иштирокчиларни Ўзбекистон қимматли қоғозлар бозорига жалб қилишини қайд этди.

Поделиться новостью

Контакты пресс-центра

Копировать весь текст