Валюта курслари:

ЎзРВБда очилиш аукциони курси:

1 USD = UZS ()


15.05.2023

ЎзРВБ давлат қимматли қоғозлари бозорининг “UZCE mobile GB” мобил иловаси тақдим этилди

Ўзбекистон Республикаси Президентининг 2021 йил 13 апрелдаги ПФ-6207- сонли “Капитал бозорини янада ривожлантириш чора-тадбирлари тўғрисида”ги Фармони билан тасдиқланган 2021-2022 йилларда капитал бозорини ривожлантириш Дастурини амалга ошириш бўйича “Йўл харитаси» ижросини таъминлаш мақсадида давлат қимматли қоғозлари (ДҚҚ) билан олди-сотди операцияларини масофавий тарзда амалга ошириш имконини берувчи махсус “UZCE mobile GB” мобил илова ишлаб чиқилиб, фойдаланишга топширилди.

Мазкур илова ЎзРВБ савдо иштирокчиларига ДҚҚни сотиш ва сотиб олиш операцияларида масофавий иштирок этиш имкониятини яратиш билан бирга, ДҚҚ бозорига оид биржа маьлумот ва янгиликларидан хабардор бўлиш ҳамда ДҚҚ савдо жараёнларини янада фаоллаштириш имконини беради.

“UZCE mobile GB” мобил иловасининг имконият ва аффзалликлари қаторида ДҚҚ бозоридаги аукционлар параметрларига оид маълумотларни кўриш, ДҚҚни сотиш ёки сотиб олиш буюртмаларини киритиш, киритилган буюртмаларни бекор қилиш, сотиш ёки сотиб олиш бўйича битимлар, шу жумладан РЕПО битимларини амалга ошириш ва уларнинг натижаларини кўриш,  депо ҳисоб-варағи ва пул маблағлари қолдиғини реал вақт режимида кўриб туриш ва текшириш мумкинлигини алоҳида айтиб ўтиш лозим.

2022 йил 3 октябр куни Ўзбекистон Республика Марказий банкида бўлиб ўтган тақдимот давомида, “UZCE mobile GB” мобил иловасининг бозор иштирокчилари учун қулайликлари хусусида атрофлича сўз юритилди ҳамда мазкур иловани AppStore ҳамда Google Play Market интернет дўконлари жойлаштирилганлиги ва бугунги кунда фойдаланувчилар томонидан юклаб олиш имконияти яратилганлиги тўғрисида хам айтиб ўтилди.

Поделиться новостью

Контакты пресс-центра

Копировать весь текст