Валюта курслари:
ЎзРВБда очилиш аукциони курси:
1 USD = UZS ()
05.09.2025
ЎзРВБ Cbonds-Congress VII конференциясида: ислоҳотлар, инновациялар ва истиқболлар
Ўзбекистон республика валюта биржаси (ЎзРВБ) Бош директори Рашид Усманов раҳбарлигида делегация молия бозорлари бўйича бизнес-конференциялар ташкилотчиси Cbonds-Congress компанияси томонидан ўтказилган “Ўзбекистон Республикаси капитал бозори” VII халқаро конференцияда иштирок этди.
Тадбир давомида Р. Усманов “Ўзбекистон молия бозори: тенденциялар, ислоҳотлар ва истиқболлар” мавзусига бағишланган муҳокамада сўзга чиқди. ЎзРВБ Бош директори ўз нутқида ЎзРВБ фаолиятининг қисқача таҳлилини тақдим этиб, сўнгги йилларда эришилган асосий ютуқлар ҳақида сўзлаб берди. Шунингдек, биржа инфратузилмасини такомиллаштириш, биржа инструментлари ва технологик маҳсулотлар турларини кенгайтириш бўйича амалга оширилган ишлар ҳамда яқин келажакда биржани ривожлантиришнинг асосий йўналишлари тўғрисида маълумот берилди.
Давлат органлари, молиявий муассасалар, эмитентлар, банклар, инвестиция компаниялари, брокерлар ва халқаро экспертларни жамлаган, Ўзбекистон капитал бозорига бағишланган мазкур халқаро анжуман долзарб масалалар, янги тартибга солиш ташаббуслари ҳамда инвестиция имкониятларини муҳокама қилиш учун муҳим майдонга айланди.





