Валюта курслари:

ЎзРВБда очилиш аукциони курси:

1 USD = UZS ()


27.02.2024

ЎзРВБ бозорларида янги маркет-мейкерлар иш бошлади

Маркет-мейкер мақоми давлат қимматли қоғозлари бозорининг (ДҚҚ) бирламчи дилерлари бўлган «Капиталбанк» АТБ, «Асакабанк» АЖ, «Ипотекабанк» АТИБ ва “Бизнесни ривожлантириш банки” АТБга улар томонидан ЎзРВБ билан тегишли шартномалар имзоланганидан сўнг  берилди.

Маркет-мейкер вазифасини мазкур тижорат банклари жорий йилнинг 1 мартидан бошлаб бажаришга киришадилар.

Ҳозирда ДҚҚ бозорида маркет-мейкер фаолиятини бирламчи дилерлар ҳисобланган “ASIA ALLIANCE BANK” АТБ, «Ўзсаноатқурилишбанк» АТБ, “Ипак Йўли” АИТБ, «Туронбанк» АТБ ва “Халқ банки” АТ амалга оширмоқда.

Тасдиқланган Дастурга кўра, маркет-мейкерлар сотиб олиш ва сотиш учун котировкаларни шакллантириш орқали биржа бозорларини (ДҚҚ иккиламчи бозори ва РEПО бозори) ликвидлик билан таъминлаш мажбуриятини ўз зиммасига олади.

Шунингдек, Дастурда белгиланган талаблар бажарилган тақдирда, ЎзРВБ томонидан маркет-мейкерга  мукофот тўловининг икки тури назарда тутилган.

Биринчиси — бу маркет-мейкер ва унинг контрагенти томонидан тўланган комиссия миқдоридан ҳисобланган ЎзРВБ мукофоти, иккинчиси — белгиланган миқдордаги мукофот (ҳисобот ойида тузилган пассив битимларнинг етарли ҳажми бажарилган тақдирда тўланади).

Эслатиб ўтамиз, маркет-мейкер фаолияти биринчи марта 2021 йил 4 октябрда ЎзРВБнинг биржа валюта бозорида жорий этилган.

Поделиться новостью

Контакты пресс-центра

Копировать весь текст