Валюта курслари:

ЎзРВБда очилиш аукциони курси:

1 USD = UZS ()


07.08.2023

ЎзРВБ аъзолари рўйхати кенгаймоқда: навбатдаги инвестиция компанияси аъзоликка қабул қилинди

Ўзбекистон республика валюта биржаси (ЎзРВБ) “Portfolio Investments” инвестиция компаниясини “В” тоифаси бўйича аъзоликка қабул қилди.  

“В” тоифаси савдо қатнашчиларига давлат қимматли қоғозлари бозори савдоларида иштирок этиш ва оперatsiяларни амалга ошириш ҳуқуқини беради.  

“Portfolio  Investments” компанияси – брокерлик хизматлари, активларни бошқариш, инвестиция банкинги, консалтинг ва бошқа хизматларни тақдим этувчи компания ҳисобланади.

ЎзРВБ аъзолари қатори кенгайиши мамлакат молия бозорининг асосий иштирокчиси сифатида ЎзРВБ биржа бозорлари жозибадор ва шаффоф эканлигидан далолат беради. Бу, шунингдек, мижозлари учун хизматлар қаторини ва ўз имкониятларини кенгайтиришни истаган инвестиция компанияларининг биржа бозорига бўлган доимий қизиқишини акс эттиради.  

ЎзРВБ бозорларида янги иштирокчининг пайдо бўлиши инвесторлар учун янги имкониятлар яратилишига ва биржанинг янада самарали фаолият юритишига кўмаклашади. 

ЎзРВБ ўз фаолиятини, хусусан, мамлакат молия бозорини ривожлантириш ва такомиллаштириш бўйича ишларни давом эттириб, минтақада етакчи савдо ва инвестициялар пплатформаси бўлишга интилади.

Поделиться новостью

Контакты пресс-центра

Копировать весь текст