Валюта курслари:
ЎзРВБда очилиш аукциони курси:
1 USD = UZS ()
30.10.2024
ЎзРВБ Аёллар клубининг иккинчи йиғилиши: ўзини намоён этиш, шахсий ривожланиш ва оммавий нутқ санъати
ЎзРВБ Аёллар клуби негизида иккинчи учрашув бўлиб ўтди. Учрашувда иштирокчилар ўзини намоён этиши, шахсий ривожланиши ва мулоқот кўникмаларини такомиллаштириши каби муҳим мавзулар муҳокама этилди. Учрашув дастури ижобий муҳит яратиш ҳамда касбий ва шахсий ҳаётда қўлланиши мумкин бўлган фойдали кўникмаларни ривожлантиришга қаратилди.
Тадбирнинг асосий қисми AIN Property Management компаниясининг ходимлар бўйича директори Зулфия Каланова томонидан ўтказилган "Оммавий нутқ санъати" тренингидан иборат бўлди. Спикер омма олдида сўзлаш маҳоратини ошириш, дадил нутқ сўзлаш ва тингловчилар эътиборини жалб қилиш бўйича маслаҳатлар ва тавсиялар билан бўлишди.
Зулфия Каланова ҳаётий мисоллар ва интерактив саволлар ёрдамида нутқ сўзлашга тайёргарлик кўриш ҳамда аудитория билан самарали мулоқот қилишнинг асосий жиҳатлари тўғрисида сўзлаб, нутқнинг таъсирини оширишга ёрдам берувчи эстетик ва динамик тақдимотлар яратиш сирларини ҳам ёритиб берди.
Учрашув якунида Аёллар клубининг фаолиятини янада ривожлантириш, биржада аёллар салоҳиятини очиш бўйича режалар муҳокама қилинди. ЎзРВБ ходималарининг касбий ва шахсий ривожланишига қаратилган ташаббусларни фаол қўллаб-қувватлаб, уларнинг ўсиши учун қулай шароитлар яратмоқда.





