Валюта курслари:
ЎзРВБда очилиш аукциони курси:
1 USD = UZS ()
08.11.2023
“Smart Bank” АЖга “А” ва “В” тоифаси берилди
Ўзбекистон республикаси валюта биржаси “Smart Bank” акциядорлик жамиятига “A” ва “B” тоифасини берди.
“A” тоифаси аъзоларга чет эл валютаси бозорида иштирок этиш, шу жумладан, валютавий фьючерс шартномалари билан операцияларни амалга ошириш ва савдоларда қатнашиш ҳуқуқини беради. “В” тоифаси эса биржа савдоларида иштирок этиш ва давлат қимматли қоғозлари бозорида операцияларни амалга ошириш ҳуқуқини беради.
“Smart Bank” АЖ — бу жисмоний офисга ташриф буюрмасдан, “доимо ва ҳар жойда” тамойили бўйича 24/7 тартибида тўлиқ масофавий банк хизматларини кўрсатадиган молиявий муассасадир.
Савдо аъзолари сафи мунтазам ва тезкор кенгайиши Ўзбекистон Республикаси молия бозорининг асосий иштирокчиси сифатида ЎзРВБ биржа бозорларининг жозибадорлиги ва шаффофлигининг ёрқин намоёнидир. Шунингдек, бу факт мижозлар учун ўз имкониятлари ва таклифларини кенгайтиришни истаган инвестиция компаниялари томонидан биржа бозорига доимий қизиқишни акс эттиради.
Шуни таъкидлаш жоизки, “Smart Bank” АЖ «С» тоифаси бўйича ЎзРВБ аъзоси бўлиб, қўшимча категория банк учун ўз активларини самарали бошқаришда янги савдо имкониятларини тақдим этади.
Биржа аъзолигига қабул қилиш тартиби тўғрисидаги барча зарур маълумотлар ЎзРВБнинг расмий веб-сайтида жойлаштирилган.
ЎзРВБ ўз фаолиятини, шунингдек, умуман мамлакат молия бозорини узлуксиз ривожлантириш ва такомиллаштириш бўйича тизимли ишларини давом эттиради.





