Валюта курслари:

ЎзРВБда очилиш аукциони курси:

1 USD = UZS ()


13.09.2023

Марказий Осиё биржалари ҳамкорликни ривожлантиришда давом этмоқда

Ўзбекистон республика валюта биржаси Бош директори Рашид Усманов Қирғизистон фонд биржаси (ҚФБ) раҳбарлари билан учрашув ўтказди. ҚФБ делегацияси Директорлар кенгаши раиси Тилек Эралиев, Директорлар кенгаши аъзоси Мээрим Асқарбекова, ҚФБ Президенти Медет Назаралиев, шунингдек вице-президент Аида Чодуловадан иборат таркибда иштирок этди.  

Кун тартибида - икки минтақавий молия институтлари ўртасидаги ўзаро манфаатли ҳамкорликни ривожлантириш ва мустаҳкамлаш масаласи бўлди.  

Учрашув давомида ЎзРВБ ва ҚФБ ўртасидаги ҳамкорликнинг турли йўналишлари, жумладан, валюта бозори ва давлат қимматли қоғозлар бозорини ривожлантириш бўйича тажриба алмашиш, шунингдек, савдо ва дастурий комплексларни ривожлантириш масалалари муҳокама қилинди. 

ЎзРВБ раҳбари биржанинг ривожланиш тарихи ҳақида қисқача маълумот бериб, учрашув қатнашчиларини in-house Rhombus платформасининг функционал имкониятлари ва модуллари билан таништирди. ЎзРВБ мутахассислари ҚФБ вакиллари учун платформалар ишлаши, улар хизмат кўрсатадиган бозорлар, амалга ошириладиган операциялар турлари бўйича тақдимотлар ўтказиб, бошқа шу каби платформаларга нисбатан ЎзРВБ платформаларининг афзалликлари ҳақида сўзлаб бердилар.  

Учрашув давомида РЕПО бозори, марказий контрагент фаолияти ҳамда “one-click” тизимининг ишлашига алоҳида эътибор қаратилди. ҚФБ вакиллари, айниқса, давлат облигациялари бозори ва ЎзРВБ бозорларидаги маркет-мейкерларнинг фаолиятига қизиқиш билдирди.  

Меҳмонлар ЎзРВБ томонидан биржа инфратузилмасини такомиллаштириш, савдо-клиринг ва депозитарий тизимларини модернизация қилиш бўйича олиб борилаётган ишларни юқори баҳолаб, ушбу соҳада ЎзРВБ тажрибасини жорий этишга қизиқиш билдирди. 

Учрашув якунида ҚФБ раҳбари ЎзРВБ ва ҚФБ ўртасидаги ҳамкорлик истиқболларига ишонч билдирди. Томонлар минтақадаги молия бозорларини барқарор ривожлантириш манфаати йўлидаги ҳамкорликни янада мустаҳкамлашга келишиб олди. 

Поделиться новостью

Контакты пресс-центра

Копировать весь текст