Валюта курслари:
ЎзРВБда очилиш аукциони курси:
1 USD = UZS ()
18.04.2024
Илғорликда: ЎзРВБ Бош директори ўринбосари ХБА Кенгашига аъзо бўлиб тайинланди
Бош директор Рашид Усманов бошчилигида Ўзбекистон республика валюта биржаси (ЎзРВБ) делегацияси МДҲ давлатлари Халқаро биржалар ассоциацияси (ХБА) аъзоларининг йиллик умумий йиғилишида иштирок этди. Тадбир Самарқанд шаҳрида бўлиб ўтди ва МДҲ давлатларидан соҳа етакчи мутахассисларини тўплади.
ХБАга аъзолигига 10та МДҲ давлатининг 20 биржаси кирган бўлиб, биржа соҳасини ҳамда молия бозорларини ривожлантириш бўйича тажриба алмашиш масалаларини муҳокама қилиш, соҳага оид қўшма тадбирларни ўтказиш маркази ҳисобланади.
ЎзРВБ вакиллари биржаларнинг бугунги ҳолати ва янада ривожлантириш истиқболларини муҳокама қилиш, ХБА ривожлантириш Стратегиясини ишлаб чиқиш, Рақамли молиявий инструментлар Қўмитаси Низоми ва ХБА иш режаси лойиҳаларини муҳокама қилиш учун ХБА тадбирларида фаол иштирок этди.
Муҳокама давомида ЎзРВБ раҳбари ХБА фаолиятини янада такомиллаштириш бўйича ўз таклифларини берди. Шунингдек, ХБА аъзоларининг Умумий йиғилиши доирасида ЎзРВБ директорининг ўринбосари Азиз Нагаев бир овозда ХБА Кенгаши аъзоси этиб тайинланди. Уюшма аъзоларининг ушбу қарори ЎзРВБ эришган ютуқларнинг эътироф этилиши ва унинг Ҳамдўстлик молия бозорларини ривожлантиришдаги муҳим ролини акс эттиради.
ЎзРВБ бундай халқаро тадбирларда иштирок этиши МДҲ биржалари билан биржа фаолиятини, инфратузилмани такомиллаштириш ва янги қўшма ташаббусларни ишлаб чиқиш бўйича фикр алмашиш имконини беради ва шу орқали ЎзРВБнинг халқаро молиявий майдондаги мавқеини мустаҳкамлашга хизмат қилади.






