Валюта курслари:

ЎзРВБда очилиш аукциони курси:

1 USD = UZS ()


20.06.2024

Bank of Georgia давлат қимматли қоғозларини бевосита харид қилиш бўйича биринчи битимини тузди

“Bank of Georgia” АЖ “Ўзбекистон республика валюта биржаси” АЖ (ЎзРВБ) платформасида дилер сифатида давлат қимматли қоғозларини (ДҚҚ) сотиб олиш бўйича илк битимини муваффақиятли амалга оширди ва бу, ўз навбатида, Ўзбекистон капитал бозорига халқаро инвесторларни жалб этиш ва уни янада ривожлантиришда муҳим қадам бўлди.

Ушбу битим Ўзбекистон Республикаси Президентининг 2023 йил 2 сентябрдаги “Капитал бозорини ривожлантиришнинг қўшимча чора-тадбирлари тўғрисида”ги Қарори  билан яратилган “Тартибга солиш қумдони” махсус ҳуқуқий режими доирасида амалга оширилди. 

Эслатиб ўтамиз, бугунги кунда ЎзРВБ савдоларида биржа аъзолигига қабул қилинган ташкилотлар иштирок этиши мумкин. "Bank of Georgia” АЖ биржа савдоларида иштирок этиш ва ДҚҚ бозорида операцияларни амалга ошириш ҳуқуқини берувчи "B" тоифаси бўйича ЎзРВБ аъзолигига қабул қилинган.

Bank of Georgia давлат қимматли қоғозлари бозорида инвестор сифатида иштирок етишини таъминлаш мақсадида банк учун ЎзРВБнинг ҳисоб-китоб-клиринг тизимида ҳисоб рақами очилди. Шунингдек, хорижий номинал егаларига “депо” ҳисобварақлари (омнибус ҳисобварақлари) ва тўғридан-тўғри индивидуал ҳисобварақларни очиш имконияти яратилди.

Мамлакат капитал бозорида номдор халқаро инвесторлар иштироки молиявий хизматлар сифатини янада яхшилашга ва молия секторида рискларни бошқаришнинг янги усулларини жорий этишга хизмат қилмоқда.

ЎзРВБ халқаро инвесторлар учун қулай шарт-шароитлар яратиш ҳамда Ўзбекистон молия бозорини ривожлантириш ва мустаҳкамлаш учун кўмак бўла оладиган инновацион ечимларни жорий этишда давом этади.

Поделиться новостью

Контакты пресс-центра

Копировать весь текст