Валюта курслари:

ЎзРВБда очилиш аукциони курси:

1 USD = UZS ()


08.10.2025

“Асакабанк” АЖ ЎзРВБ валюта бозорида маркет-мейкер мақомига эга бўлди

“Асакабанк” акциядорлик жамияти Ўзбекистон республикаси валюта биржаси (ЎзРВБ) валюта бозорида USD/UZS_TOM инструменти бўйича USD-MM PRO дастури доирасида маркет-мейкер мақомини қўлга киритди.

Ушбу мақом банкнинг биржа валюта бозорини ривожлантиришдаги фаол иштирокини ҳамда савдоларнинг барқарорлиги, ликвидлиги ва шаффофлигини таъминлашга тайёрлигини ифодалайди.

Маркет-мейкер — бу бозордаги талаб ва таклиф мувозанатини сақлаб турувчи, мунтазам равишда хорижий валютани сотиб олиш ва сотиш бўйича котировкаларни эълон қилиб борадиган профессионал иштирокчи ҳисобланади. Ушбу фаолият савдоларда хажмларнинг кўпайиши ва иштирокчилар учун савдоларда доимий таклифнинг мавжуд бўлиши каби қулайликларни яратади.

Маркет-мейкерлик институтини ривожлантириш — бу замонавий ва самарали валюта бозорини шакллантиришга қаратилган асосий йўналишлардан биридир.

Поделиться новостью

Контакты пресс-центра

Копировать весь текст