Валюта курслари:
ЎзРВБда очилиш аукциони курси:
1 USD = UZS ()
07.11.2025
ЎзРВБ валюта бозорида янги савдо механизми жорий этилди
«Ўзбекистон республика валюта биржаси» АЖ (ЎзРВБ)нинг валюта бозорида савдоларни ўтказиш услубларини такомиллаштириш доирасида ЎзРВБ тизимида янги савдо механизми жорий этилди. Бундан кўзланган асосий мақсад тижорат банкларининг валюта курси шаклланишидаги ролини ва масъулиятини кучайтириш, шунингдек, бозордаги шаффофлик ва ликвидликни оширишга қаратилган.
Мазкур механизм Ўзбекистон Республикаси Марказий банки томонидан амалга оширилаётган ички валюта бозорини босқичма-босқич ривожлантириш сиёсатининг мантиқий давоми бўлди.
Бундан ташқари, валюта бозоридаги маркет-мейкерлар учун тенг шароитларни таъминлаш ва валюта бозоридаги волатиллик билан боғлиқ хатарларни қоплаш мақсадида икки томонлама котировкаларнинг энг юқори спреди икки баравар оширилди.
Кейинги босқичларда ЎзРВБ валюта бозорида савдолар янада шаффоф бўлиши учун шароитлар яратилиб, савдолар механизмлари такомиллаштирилиб борилади.





