Валюта курслари:

ЎзРВБда очилиш аукциони курси:

1 USD = UZS ()


15.08.2025

“Капитал-Депозит” МЧЖ ЎзРВБ иштирокчиларининг профессионал ҳамжамияти таркибига кирмоқда

“Ўзбекистон республика валюта биржаси” АЖ биржа бозорининг профессионал иштирокчилари доирасини кенгайтиришда давом этмоқда. Бунинг натижасида “Тошкент” РФБ АЖ аъзоларини “Ўзбекистон республика валюта биржаси” АЖ аъзолигига қабул қилишнинг ягона соддалаштирилган тартиби”га мувофиқ “Капитал-Депозит” МЧЖ инвестиция воситачиси биржа аъзолари таркибига “В” тоифаси бўйича қабул қилинди. 

ЎзРВБга аъзоликнинг “В” тоифаси давлат қимматли қоғозлари савдоларида, жумладан РЕПО операцияларида иштирок этиш имкониятини тақдим этади.

Маълумот учун: “Капитал-Депозит” МЧЖ — 2005 йилдан буён Ўзбекистон капитал бозорида фаолият юритаётган ва қимматли қоғозлар билан олди-отди операцияларида иштирок этувчи инвестиция воситачиси  ва брокери ҳисобланади. Компания брокерлик ва депозитар хизматлар, инвестицион консалтинг, активларни бошқариш ҳамда қимматли қоғозлар (IPO/SPO)ни чиқаришда кўмаклашишга ихтисослашган.

ЎзРВБ платформасида иштирок этиш афзалликлари

ЎзРВБ аъзолари таркибига қўшилиш компанияларга қуйидаги имкониятларни тақдим этади:

  • давлат қимматли қоғозларининг бирламчи ва иккиламчи бозорларида иштирок этиш ҳамда ишончли активлар портфелини шакллантирган ҳолда улар билан РЕПО битимларини тузиш;
  • давлат қимматли қоғозлари бозорига маҳаллий ҳамда хорижий инвесторларни жалб этиш;
  • савдоларнинг ликвидлилиги ва шаффофлигини ошириш орқали мамлакатнинг молиявий инфратузилмасини ривожлантиришга ҳисса қўшиш;
  • биржа томонидан ахборот ва технологик ёрдам олиш.

Профессионал иштирокчилар учун очиқ платформа

ЎзРВБ капитал бозорининг барча иштирокчилари учун очиқ, профессионал ва ишончли платформани яратишда давом этади. Янги иштирокчилар билан ҳамкорлик биржа бозорига бўлган ишончни мустаҳкамлаб, фаолиятнинг янги истиқболларини очиб бормоқда.

Сизни профессионал ҳамжамиятнинг бир қисми бўлишга таклиф қиламиз!

Агар ташкилотингиз янги имкониятлар, ишончли инвестиция воситалари ва касбий ўсишга интилаётган бўлса — ЎзРВБ аъзосига айланинг!

Биз мамлакатимиз молия ташкилотларини биржа савдолари иштирокчилари қаторига қўшилишга ва биргаликда Ўзбекистон капитал бозорини ривожлантиришга, инвесторлар ва бозор иштирокчилари учун янги имкониятлар яратишга таклиф қиламиз.

ЎзРВБга аъзо бўлиш тартиби ва шартлари тўғрисида қўшимча маълумот олиш учун  ЎзРВБ Биржа савдолари бошқармасига мурожаат қилишингиз ёки биржанинг расмий веб-сайтида батафсил маълумот олишингиз мумкин.

Поделиться новостью

Контакты пресс-центра

Копировать весь текст