Валюта курслари:
ЎзРВБда очилиш аукциони курси:
1 USD = UZS ()
13.08.2025
ЎзРВБда ХВЖ миссияси: Ўзбекистон валюта бозорига ички назар
Ўзбекистон республика валюта биржаси (ЎзРВБ)да Халқаро валюта жамғармаси (ХВЖ) миссияси аъзолари билан учрашув ўтказилди. Мак Истван раҳбарлигидаги миссия вакиллари Ўзбекистон валюта бозорини баҳолаш ва таҳлил қилиш мақсадида Тошкент шаҳрига ташриф буюрган. 
ЎзРВБ Бош директори Рашид Усманов учрашув аввалида, меҳмонларга биржа фаолияти, мавжуд биржа бозорлари, инструментлар қатори ва хизматлар турлари ҳақида маълумот бериб ўтди. Шу билан бит қаторда, сўнгги йиллардаги асосий ютуқлар - савдо ҳажмининг ўсиши, янги инструментлар, жумладан, деривативлар бозори инструментлари жорий этилганлиги ҳамда замонавий савдо механизмларининг татбиқ қилинганлиги таъкидлаб ўтилди.
Учрашув давомида миссия вакиллари ЎзРВБнинг миллий валюта бозори инфратузилмасини ривожлантириш ва унинг савдо жараёнларини такомиллаштиришдаги ҳиссасини юқори баҳоладилар. Шунингдек, амалга оширилаётган ёндашувларнинг замонавий халқаро стандартларга тўлиқ мослиги эътироф этилди. 
Учрашув иштирокчиларида маркет-мейкерларнинг ликвидликни таъминлашдаги ўрни, шунингдек, уларни рағбатлантириш механизмлари ва маркет-мейкерлик дастурлари алоҳида қизиқиш уйғотди.
Шу билан бирга, учрашувда ЎзРВБ таъсисчилигида ташкил этилган, марказий контрагент вазифасини бажарувчи ҳамда риск ва дефолт менежментининг кенг қамровли тизимини таъминловчи Миллий клиринг маркази фаолияти батафсил ёритилди. 
Тадбир якунида ХВЖ вакилларини қизиқтирган барча масалалар бўйича батафсил жавоблар ва тушунтиришлар тақдим этилди. Шунингдек, миссия аъзолари Ўзбекистон биржа инфратузилмасининг шаффофлиги, технологик етуклиги ва ривожланиш динамикасини алоҳида таъкидлаб ўтдилар.





