Валюта курслари:

ЎзРВБда очилиш аукциони курси:

1 USD = UZS ()


27.11.2024

ЎзРВБ маълумотлари энди Bloomberg терминалида жойлаштирилмоқда

Ўзбекистон республика валюта биржаси ўзининг бозор маълумотлари энди Bloomberg терминалида тақдим этилаётгани ҳақида эълон қилди. Эндиликда Bloomberg мижозлари {OTC UZS<GO>} ҳаволаси орқали Ўзбекистоннинг валюта ва пул бозорлари, шунингдек, давлат қимматли қоғозлари ҳамда деривативлар бозорларидаги нархлар ва кўрсаткичларидан фойдаланиш имкониятига эга бўлди.

Бугунги кунда ЎзРВБ иштирокчилари 35 та маҳаллий тижорат банки, 6 та брокерлик компанияси ва 1 та хорижий кастодиан банкдан иборат. Биржа Ўзбекистон молия бозорида етакчи ўрин тутиб, ликвидликни жалб қилиш  учун асосий платформа ҳисобланади. Биржанинг турли бозор сегментларида 20 га яқин инструментлар бўйича савдолар ташкил этилган бўлиб, 2023 йилда савдоларнинг умумий ҳажми 81 миллиард АҚШ долларига етди.

Bloomberg терминалида ЎзРВБ маълумотларининг мавжудлиги чет эл инвесторларига Ўзбекистон молия бозорини чуқурроқ тушуниш ва ундаги тенденцияларни таҳлил қилиш имкониятини беради. Бу эса янада асосли инвестиция қарорларини қабул қилишга ёрдам беради ва хатарларни баҳолашни осонлаштиради.

ЎзРВБ бош директори Рашид Усмонов:

“Bloomberg билан мазкур ҳамкорлик глобал бозорлар иштирокчиларига биржанинг турли сегментларида ЎзРВБнинг долзарб ва аниқ маълумотларини олишга, бу орқали ўз активларини янада самарали бошқаришга ёрдам беради. Маълумотларнинг шаффофлиги ва очиқлигини ошириш бозорга бўлган ишончни мустаҳкамлайди ва ликвидлиликнинг ўсишини таъминлайди.”

Bloomberg компаниясининг маълумотларни юклаб олиш департаменти глобал раҳбари Дэвид Тамбурелли қўшимча қилди:

“Биз Bloomberg платформасида Ўзбекистон молия бозорларидаги кўплаб активлар тўғрисида маълумотларни тақдим этишдан мамнунмиз. ЎзРВБ бозорларнинг муҳим элементи ҳисобланади ҳамда ушбу маълумотларнинг очиқлиги ва шаффофлиги туфайли мижозларимиз, жумладан, бутун дунё инвесторлари Ўзбекистонда ўз инвестиция ғояларини самарали шакллантириши ва баҳолаши мумкин бўлди”.

ЎзРВБ маълумотлари Bloomberg компаниясининг маълумотлар учун лицензияси асосида ва реал вақт режимида бозор маълумотларини узатиш B-Pipe канали орқали компания доирасида фойдаланиш учун ҳам мавжуд бўлади.

ЎзРВБ тўғрисида

ЎзРВБ 1992 йилда ташкил этилган бўлиб, Ўзбекистондаги энг йирик кўп функцияли биржа платформаси ҳисобланади ҳамда валюта ва пул бозорлари, деривативлар ва давлат қимматли қоғозлари бозорларида савдоларни ташкил этиш, шу жумладан, савдолардан олдин ва савдолардан кейин хизматларидан иборат тўлиқ хизматлар мажмуини тақдим этади.

Биржанинг асосий афзалликларидан бири бу бозорнинг барча сегментларини ягона платформада бирлаштирган интеграциялашган савдо тизими ҳисобланади. Бундан ташқари, биржа савдо, клиринг ва ҳисоб-китоблар учун халқаро стандартларга жавоб берадиган, операцияларнинг ишончлилиги ва хавфсизлигини таъминлайдиган ўз инфратузилмасига эга.

Яқин кунларда ЎзРВБ саҳифаларида Bloomberg терминалида ЎзРВБ маълумотларини трансляция қилишнинг аҳамияти ҳақида эксперт билан видеоинтервью жойлаштирилади. Янгиликларимизни кузатиб боринг.

Поделиться новостью

Контакты пресс-центра

Копировать весь текст