Валюта курслари:

ЎзРВБда очилиш аукциони курси:

1 USD = UZS ()


Бош директорнинг мурожаати

“ЎЗБЕКИСТОН РЕСПУБЛИКА ВАЛЮТА БИРЖАСИ” АКЦИЯДОРЛИК ЖАМИЯТИ БОШ ДИРЕКТОРИ МУРОЖААТНОМАСИ

Бугунги кунда, коррупцияга қарши курашиш Ўзбекистонда давлат сиёсатининг энг устувор йўналишларидан бири бўлиб, буни сўнгги йиллларда соҳага оид қабул қилинган концептуал аҳамиятга эга норматив-ҳуқуқий ҳужжатлар, коррупцияни олдини олишга қаратилган маъмурий ислоҳотлар мисолида ҳам кўриш мумкин.

“Ўзбекистон республика валюта биржаси’' АЖ (ЎзРВБ)да ушбу соҳага оид қабул қилинган норматив-ҳуқуқий ҳужжатларнинг самарали ижро этилишини таъминлаш мақсадида коррупциянинг ҳолати ҳамда тенденцияларидан келиб чиққан ҳолда коррупцияга қарши курашиш бўйича комплекс ва тизимли чора-тадбирлар босқичма- босқич амалга ошириб келинмоқда.

Шу билан бирга, коррупцияга қарши курашиш мақсадида ЎзРВБ ходимларининг ҳуқуқий онги ва ҳуқуқий маданиятини юксалтириш, жамиятда коррупцияга нисбатан муросасиз муносабатни шакллантириш бўйича зарур чора-тадбирлар кўрилмоқда.

ЎзРВБдаги коррупцияга қарши курашиш бўйича чора-тадбирлар Ўзбекистон Республикаси қонунчилиги талабларига мувофиқ ва илғор хорижий тажриба, шунингдек ЎзРВБ ички ҳужжатларига қатъий риоя қилган ҳолда амалга оширилади.

ЎзРВБ уз фаолиятининг барча соҳаларида коррупциянинг ҳар қандай шакллари ва кўринишларига муросасиз (тоқатсиз) муносабатда бўлади.

Хусусан, ЎзРВБда Ўзбекистон Республикасининг коррупцияга қарши курашиш тўғрисидаги қонун ҳужжатларида белгиланган вазифаларга мувофиқ, коррупцияга оид ҳуқуқбузарликлар содир этилишининг олдини олиш, қонунчилик, хизмат интизоми, одоб- аҳлоқ қоидалари ва ички тартиб қоидаларга риоя этилишини таъминлашга қаратилган кенг қамровли тушунтириш ва тарғибот тадбирлар ўтказилмокда.

Бу мақсад йўлида барчамиз бирлашишимиз, бир ёқадан бош чиқаришимиз, ҳамжиҳат ва ҳамфикр бўлишимиз, коррупцияга қарши кураш бўйича амалга оширилаётган тадбирларда барчамиз фаол иштирок этишимиз шарт ва зарур.

Р.Усманов

Бош директор